Do 20 ao 22 de agosto
O mexillón de Cabo de Cruz será o prato estrela da cociña
Ata o domingo celébrase a novena edición da Exaltación do Mexillón de Galicia.
La Voz de Galicia, Laura López 19/8/2010
O mexillón volverá reinar, un ano máis, desde Cabo de Cruz, onde este ano celebran a novena edición da Exaltación do Mexillón de Galicia, que terá lugar entre mañá e o domingo. De organizalo encárgase a asociación que leva o mesmo nome, en colaboración co Concello de Boiro.
Na primeira xornada, o profesor Uxío Labarta dará unha conferencia titulada Mexillón: bateeiros e vento.
O sábado ás 11.00 horas comezarán as rutas marítimas cada hora coa empresa Camiñando polo Mar. O mago Tanito ofrecerá un espectáculo ás 12.00, mentres que as degustacións de mexillóns empezarán a servirse ás 13.00 horas, ao prezo dun euro, cociñadas por parrillada Don Paquito.
Por se alguén queda con fame, ás 17.00 dará comezo a elaboración de dúas paellas xigantes. Mentres tanto, os máis pequenos poderán gozar coa festa da espuma, os xogos, inchables e espectáculos de animación que a organización ten preparados.
Concurso
ás 20.00 horas comezará o concurso de elaboración de pratos, que teñan o mexillón como ingrediente principal, organizado pola asociación de veciños A Unión. Unha hora despois haberá a actuación Sorrisos Máxicas polo Máxico Brais.
A degustación das paellas comezará ás 22.00 horas, tamén ao prezo dun euro cada ración. Ademais, volveranse a servir mexillóns. Para amenizar a velada estarán as agrupacións Reflexos e Mar Davila.
O domingo termina a festa. ás 11.00 será a Bandeira Feminina de Traiñeiras, no porto de Cabo de Cruz, e media hora máis tarde, a Bandeira Traiñeiras Concello de Boiro.
A degustación de mexillóns comezará sobre as 12.00 horas, preparados por Boiro Miramar e Chicolino. Actuará tamén a banda de música de Boiro.
Paralelamente, ata o domingo continúa funcionando o Roteiro do Mexillón, do que se poderá gozar en quince establecementos hostaleiros distintos: Os Trillizos, Arume, Rick's, Mavi, Texano, Abadía de San Enrique, A Bodega, Rodas, Centro, Os Xubilados, Botavara, Castelao, O Esteiro, Dique e Manuela Bar.
No hay comentarios:
Publicar un comentario